پاکستان کےسکواش لیجنڈ جان شیر خان کا نام پی ایس اے ہال آف فیم میں شامل 

( ویب ڈیسک )پروفیشنل  سکواش ایسوسی ایشن (پی ایس اے) کے ہال آف فیم میں پاکستان کے سابق ورلڈ چیمپئن جان شیر  خان کا نام بھی شامل کرلیا گیا۔

پاکستانی لیجنڈ  سکواش پلیئر جان شیر خان کے ساتھ ملائشیا کی خاتون کھلاڑی نکول ڈیوڈ کو بھی ہال آف فیم میں شامل کیا گیا ہے،جان شیر خان اور نکول ڈیوڈ پی ایس اے  سکواش ہال آف فیم میں شامل ہونے والے بالترتیب تیسرے اور چوتھے پلیئرز ہیں۔

اس سے قبل پاکستان کے جہانگیر خان اور نیوزی لینڈ کی سوسین ڈیوائے کو یہ اعزاز مل چکا ہے، ہال آف فیم میں شامل دونوں مرد پلیئرز کا تعلق پاکستان سے ہے۔

پاکستان کے لیجنڈ سکواش پلیئر جان شیر خان نے ریکارڈ 8 مرتبہ ورلڈ اوپن اور 6 مرتبہ برٹش اوپن کے ٹائٹل اپنے نام کیے۔

جان شیر نے پروفیشنل کیرئیر میں سب سے زیادہ 118 فائنل کھیلے جبکہ ریکارڈ 99 ٹائٹلز جیتنے میں کامیاب رہے جبکہ جان شیر خان کو 97 ماہ ورلڈ نمبر ون رہنے کا اعزاز بھی حاصل ہے۔