بنوں کے علاقے جانی خیل میں مارٹر گولہ پھٹنے سے 3 بچے جاں بحق  

(ویب ڈیسک)بنوں کے علاقے جانی خیل میں مارٹر گولہ پھٹنے سے 2 بھائیوں سمیت 3 بچے جاں بحق ہو گئے۔

پولیس کے مطابق بچوں نے سپین تنگی کے علاقے میں ویران جگہ سے مارٹر گولہ اٹھا لیا تھا ، بچے مارٹر گولے سے کھیل رہے تھے کہ اچانک دھماکے سے پھٹ گیا۔

 پولیس کا کہنا ہے کہ بچوں کی میتیں ہسپتال منتقل کر دی گئی ہیں ،  تینوں بچے مقامی دینی مدرسے میں زیر تعلیم تھے ۔ پولیس نے علاقے میں سرچنگ شروع کر دی ہے۔