(24 نیوز)گجرپورہ میں سسرالیوں کے تشدد سے 30 سالہ صبا جاں بحق ، پولیس نے مقتولہ کے بھائی عابد علی کی مدعیت میں سسرالیوں کے خلاف مقدمہ درج کرلیا۔
تفصیلات کے مطابق مقدمے میں شوہر جہانگیر، ساس نیلو، دیوار سلیم اور رشتے دار شبیر کو نامزد کیا گیا ہے ۔ملزموں نے گھریلو ناچاقی پر دو روز قبل صباکو بہیمانہ تشدد کا نشانہ بنایا جس کے باعث صبا نواز شریف ہسپتال میں دم توڑ گئی۔
پولیس نے پوسٹمارٹم کے بعد لاش ورثا کے حوالے کر دی۔ ابتدائی پوسٹمارٹم رپورٹ میں تشدد کے واضح نشانات پائے گئے ہیں۔پولیس پولیس نے جسمانی اعضاکے نمونے فرانزک رپورٹ کے بھجوا دیئے۔پولیس کا کہنا ہے کہ ملزم موقع سے فرار ہوگئے ہیں جلد گرفتار کر لیں گے۔