محمد حفیظ خود غرض کھلاڑی ہے،رمیز راجا 

(24نیوز)سابق کپتان رمیز راجا نے محمد حفیظ کو خود غرض قرار دے دیا ۔اپنے یوٹیوب چینل پر گفتگو کرتے ہوئے ان کا کہنا تھا کہ اس وقت سب کو پاکستان کرکٹ کے ساتھ ہونا چاہئے۔ٹی10 لیگ کھیلنے جانے والے قومی کھلاڑیوں میں سے آصف علی واپس آگئے مگر حفیظ نے کنٹریکٹ مکمل کرنے کا فیصلہ کیا جو ان کی سوچ اور ترجیحات کی عکاسی کرتا ہے۔
تفصیلا ت کے مطا بق رمیز را جا کا کہنا ہے کہ انٹرنیشنل ٹیمیں اب پاکستان آنا شروع ہوگئی ہیں۔ اس لئے ضروری ہے کہ ہر کوئی کورونا پروٹوکول پر سختی سے عمل درآمد کرے۔ حارث کی مثال آپ کے سامنے ہے ، انہوں نے جنوبی افریقا کے خلاف ٹیسٹ اسکواڈ کا حصہ بننے کیلئے بگ بیش لیگ چھوڑ دی، اس سے ان کی ترجیحات کے بارے میں پتہ لگ رہا ہے۔ اگر آپ پاکستان کو ترجیح دے رہے ہیں تو آپ درست سمت میں گامزن ہیں لیکن اگر آپ پاکستانی ٹیم میں انتخاب کی قیمت پر لیگ کرکٹ کو ترجیح دیتے ہیں تو آپ ٹھیک راستے پر نہیں جارہے ہیں۔