(ویب ڈیسک)لاہور کی سیشن کورٹ نے اداکارہ میرا کو عتیق الرحمن کی بیوی قرار دے دیا جس کے بعد اداکارہ کی والدہ کا بیان سامنے آگیا ہے۔سوشل میڈیا پر اداکارہ میرا کی والدہ شفقت بیگم کا ایک ویڈیو پیغام وائرل ہورہا ہے جو انہوں نے لاہور کی سیشن کورٹ کے فیصلے کے بعد جاری کیا۔
اداکارہ میرا کی والدہ نے کہا کہ’عدالت نے عتیق الرحمن کو میرا کا شوہر قرار دے دیا ہے اور میں اس فیصلے کا احترام کرتی ہوں۔انہوں نے کہا کہ ’میں عتیق الرحمن سے کہنا چاہتی ہوں کہ وہ آئیں اور اپنی دلہنیا میرا کو رخصت کرکے لے جائیں۔میرا کی والدہ نے یہ بھی کہا کہ ’شریعت کے قانون کے مطابق جو نان نقفہ بنتا ہے، وہ عتیق الرحمٰن ادا کریں۔انہوں نے مزید کہا کہ ’میں عتیق الرحمٰن اور میرا کی صلح کروانے کے حق میں ہوں۔
یہ بھی پڑھیں: پریتی زنٹا نے فلم انڈسٹری میں کیسے قدم رکھا؟ اداکارہ نے اہم رازوں سے پردہ اٹھا دیا
خیال رہے کہ لاہور کی سیشن کورٹ نے اداکارہ میرا کو عتیق الرحمٰن کی بیوی قرار دے دیا، عدالت نے اداکارہ میرا کی تکذیب نکاح کی اپیل مسترد کردی۔ایڈیشنل سیشن جج مظہر عباس نےاداکارہ میرا کی اپیل پر فیصلہ سنایا، فیملی کورٹ کے فیصلے کے خلاف میرا نے اپیل دائر کر رکھی تھی۔فیملی کورٹ نے اداکارہ میرا کو عتیق الرحمٰن کی بیوی قرار دیا تھا۔اداکارہ میرا کا موقف ہے کہ وہ عتیق الرحمٰن کی بیوی نہیں ہیں، عتیق الرحمٰن نے جعلی نکاح نامہ تیار کروایا تھا۔واضح رہے کہ ادکارہ میرا نے جولائی 2009 میں تکذیب نکاح کا کیس فیملی عدالت میں چیلنج کیا تھا۔اداکارہ میرا کے وکیل کا ابتدا سے مو¿قف تھا کہ عتیق الرحمٰن سستی شہرت کے لیے میرا کا شوہر ہونے کا دعویٰ کر رہے ہیں اور ان کے پاس نکاح ثابت کرنے کے لیے کوئی اصلی دستاویزات بھی موجود نہیں۔
یہ بھی پڑھیں: عدالتی فیصلے کے بعد اداکارہ میرا کے شوہر نے بھی اہم بیان جاری کردیا