ایشین کرکٹ کونسل کااجلاس، نجم سیٹھی بحرین جائیں گے

(24نیوز)چیئرمین پی سی بی نجم سیٹھی ایشین کرکٹ کونسل کے اجلاس میں شرکت کیلئے آج بحرین روانہ ہوں گے۔

اے سی سی کا اجلاس پی سی بی کی درخواست پر طلب کیا گیا ہے،نجم سیٹھی کے ساتھ فیصل حسنین بھی بحرین جائیں گے ،اجلاس میں پی سی بی حکام ایشیا کپ کی میزبانی کا معاملہ اٹھائیں گے ، پی سی  بی  بھارتی بورڈ کے رویے کا معاملہ بھی اٹھائے گا۔ 

رواں برس ایشیا کپ کی میزبانی پاکستان کے پاس ہے ،ایشیا کپ کیلئے بھارت اپنی ٹیم پاکستان بھجوانے کو تیار نہیں، اے سی سی اجلاس میں پی سی بی بھر پور انداز میں پاکستان کا موقف پیش کرے گا۔