برطانوی راک بینڈ"کولڈپلے"نےعالمی ریکارڈاپنے نام کرلیا

(ویب ڈیسک)برطانیہ کے راک بینڈ "کولڈ پلے " کے بھارت میں ہونے والے کنسرٹس میں ایک کروڑ تین لاکھ لوگوں نے شرکت کر کے عالمی ریکارڈ بنادیا۔

بھارتی میڈیاکی رپورٹ کے مطابق کولڈ پلے نے ٹیلر سوئفٹ کے کنسرٹ کا ریکارڈ بھی توڑدیاہے،برطانوی راک بینڈ کے کنسرٹ کے مجموعی طور پر 1 کروڑ 3 لاکھ ٹکٹ فروخت ہوئے اور اتنے ہی لوگوں نے میوزیکل پروگرام میں شرکت کی۔

گینیز بک آف ورلڈ ریکارڈ کے مطابق اس سے قبل مارچ 2022 میں کوسٹاریکا میں ہونے والے کنسرٹ میں سب سے زیادہ لوگوں کی شرکت کا عالمی ریکارڈ قائم ہوا تھا۔

کولڈ پلے بینڈ نے ممبئی میں DY پاٹل اسٹیڈیم میں 18، 19 اور 21 جنوری کو تین شوز کیے جبکہ دوسرے مرحلے میں احمد آباد کے نریندر مودی اسٹیڈیم میں 25 اور 26 جنوری کو دو شوز کیے جن میں سے ہر ایک میں تقریباً ایک لاکھ 30 ہزار شائقین نے شرکت کی۔

بینڈ نے بھارتی مداحوں کا شکریہ ادا کرتے ہوئے کہا" "شکریہ احمد آباد، شکریہ بھارت! ہم ان دو ہفتوں کو کبھی نہیں بھولیں گے۔ آپ کی محبت اور مہربانی ہمیشہ ہمارے دلوں میں رہے گی۔"

یہ بھی پڑھیں:امریکی خاتون کو کراچی کے نوجوان نے کیوں ٹھکرایا؟ علی گل پیرکی ویڈیو وائرل

بھارت میں کامیابیوں کے جھنڈے گاڑھنے کے بعد Coldplay کا اگلا کنسرٹ اپریل میں ہانگ کانگ میں شیڈول ہے، اس کے بعد سیئول اور پھر امریکا میں مزید شوز منعقد کیے جائیں گے۔