بے گناہ خاندان کو پھنسانے والے ڈرگ گینگ کے 9 ملزمان گرفتار

(اویس کیانی)وفاقی وزیر داخلہ محسن نقوی کی خصوصی ہدایت پر ائیرپورٹ پر بیگ ٹیگ تبدیل کرکے بے گناہ خاندان کو پھنسانے والے انٹرنیشنل ڈرگ گینگ کے 9 ملزمان گرفتار،سعودیہ میں گرفتار بے گناہ خاندان کو رہائی مل گئی۔

تفصیلات کے مطابق وزیر داخلہ محسن نقوی کی خصوصی ہدایت پر اے این ایف ٹیم کی کاوشوں سے خاندان کے 5 افراد واپس وطن آگئے،

وفاقی وزیرداخلہ و انسداد منشیات محسن نقوی کی   منشیات کیس سے رہائی پانے والے بے گناہ خاندان کی رہائش گاہ  پہنچ گئے اور خاندان کے افراد سے ملاقات کی،ڈی جی اینٹی نارکوٹکس فورس میجر جنرل عبدالمعید بھی ہمراہ تھے۔وزیر داخلہ و انسداد منشیات محسن نقوی کا متاثرہ خاندان سے دلی ہمدردی کا اظہار کیا اور رہائی و وطن واپسی پر مبارکباد دی۔

اس موقع پر وزیر داخلہ نے کہا کہ آپ کو جو تکلیف اٹھانا پڑی وہ الفاظ میں بیان نہیں کی جا سکتی۔اے این ایف نے دن رات محنت کر کے انٹرنیشنل گینگ کا سراغ لگایا اور  اصل ملزمان کو گرفتار کیا۔ انہوں نے کہا کہ سعودی عرب کی حکومت نے بھی بہت تعاون کیا ۔ سعودی حکومت کا خصوصا شکریہ ادا کرتا ہوں۔ وفاقی وزیر داخلہ نے بے گناہ خاندان کی رہائی کے لیے فوری اقدامات پر ڈی جی اے این ایف میجر جنرل عبدالمعید اور ان کی  پوری ٹیم کی کارکردگی کو سراہا ہوتے کہا کہ اے این ایف کی ٹیم کو خصوصی ایوارڈز دیں گے۔ اے این ایف کی ٹیم نے اللہ تعالٰی کو راضی کیا ہے۔ اے این ایف کی ٹیم نے انتہائی محنت سے کیس لڑا۔ اسطرح کوئی اپنا بھی کیس نہیں لڑتا۔ اے این ایف کے ریجنل ڈائریکٹر بریگیڈئر سکندر حیات۔ ڈائریکٹر انفورسمنٹ بریگیڈئر عمران ۔ ڈائریکٹر انٹیلیجنس کرنل کامران اور اعلی حکام بھی اس موقع  پر موجود تھے۔

 متاثرہ خاندان کے ماموں ملک ارشد نے کہاکہ ہم آپ اور اے این ایف کی ٹیم کے شکر گزار ہیں۔  متاثرہ شخص ہارون علی نے کہا کہ محسن نقوی اور اے این ایف کے ڈی جی میجر جنرل عبدالمعید نے جو کام کیا وہ الفاظ میں بیان نہیں کر سکتے۔ ملک عزیز نے کہا کہ آپ کے لئے دل سے دعائیں نکلتی ہیں۔

واضح رہے کہ لاہور کے علاقے مرغزار کالونی کی رہائشی فرحانہ اکرم 4 فیملی ممبرز کے ساتھ 23 دسمبر میں سعودی عرب گئیں،ڈرگ مافیا نے عملے کی ملی بھگت سے فرحانہ اکرم کے بیگ کا ٹیگ تبدیل کیا ،فرحانہ اکرم اور ان کے فیملی ممبرز کو 30 دسمبر کو سعودی عرب میں حراست لیا گیا،اے این ایف نے کیمروں کی مدد سے تمام انٹری اور ایگزٹ پوائنٹس کا جائزہ لیا،ایک پورٹر کو حراست میں لے کر تفتیش کی گئی تو پورا گینگ بے نقاب ہوا اور اس کےبعد انٹرنیشنل ڈرگ  گینگ کے سرغنہ سمیت 9 ملزمان کو گرفتار کر لیا گیا ہے۔اے این ایف نے تمام شواہد سعودی حکام کو دئیے جس پر متاثرہ خاندان کی رہائی ممکن ہوئی

یہ بھی پڑھیں:دوسرے صوبوں سے ججز لانا قبول نہیں ، اسلام آباد کے وکلاکا کل ہڑتال کا اعلان