3 اور 4 فروری کو تمام سرکاری یونیورسٹیز  میں کلاسز کے بائیکاٹ کا اعلان

(24 نیوز) سندھ بھر میں3 اور 4 فروری کو  تمام سرکاری جامعات میں کلاسز کا بائیکاٹ کیا جائے گا،اس بات کا اعلان فیڈریشن آف آل پاکستان یونیورسٹیز اکیڈمک سٹاف ایسوسی ایشنز (فپواسا) نے سندھ اسمبلی میں جامعات سے متعلق ترمیمی بل منظور ہونے کے خلاف کیا ہے۔

پاکستان یونیورسٹیز اکیڈمک اسٹاف ایسوسی ایشنز کے اعلامیے میں کہا گیا ہے کہ سندھ یونیورسٹیز ایکٹ میں مشاورت کے بغیر  یک طرفہ ترامیم کی مذمت کرتے ہیں، ترمیم جامعات کی خودمختاری ختم کرنے اوربنیادی اقدار کو نقصان پہنچانےکی سازش ہے۔

یاد رہے کہ جمعہ کے روز  سندھ اسمبلی نے جامعات میں تقرری سے متعلق جامعات ایکٹ ترمیمی بل منظور کیا تھا، ترامیم کے بعد وائس چانسلر کے عہدے کے لیے اب بیوروکریٹس بھی تعینات ہوسکتے ہیں۔بل کے مطابق حکومت نےوائس چانسلر کے امیدوار کے لیے پی ایچ ڈی کی شرط بھی ختم کردی ہے، بل کےتحت ایم اے پاس شخص بھی وائس چانسلر کے عہدے پر تعینات ہوسکےگا۔ سندھ اسمبلی میں ایم کیو ایم اور جماعت اسلامی نےجامعات ترمیمی بل کی مخالفت کی تھی۔

یہ بھی پڑھیں:پتنگ بازی کی تو  گھر مسمار اور پرچہ،بچے کو جوتے ماروں گا،انسپکٹر پولیس کی والدین کو دھمکی