پنجاب اور دیگر اضلاع میں بارش کی پیشگوئی،پہاڑوں پر برفباری

(24نیوز)محکمہ موسمیات کے مطابق مغربی ہواؤں کا سلسلہ اتوار سے منگل تک بارش برسائے گا۔

تفصیلات کے مطابق پنجاب میں لاہور، گجرات، سیالکوٹ، گوجرانوالہ، ساہیوال اور فیصل آباد سمیت اکثر شہروں میں بارش کا امکان ہے۔خیبر پختونخوا میں پشاور، کوہاٹ، ایبٹ آباد، سوات اور گلگت بلتستان میں بھی بارش اور پہاڑوں پر برفباری کی پیشگوئی کی گئی ہے۔ اس کے علاوہ کشمیر میں بھی بارش کا امکان ہے۔کراچی میں آج صبح بھی ریکارڈ سردی نوٹ کی گئی اور درجہ حرارت 5 ڈگری سینٹی گریڈ تک محسوس کیا گیا۔