ہر شل گبز کراچی کنگز کے نئے ہیڈ کو چ مقرر

(24نیوز )پاکستان سپر لیگ کی چیمپئن کراچی کنگز نے جنوبی افریقہ کے سابق اوپنر ہرشل گِبز کو فرنچائز کا نیا ہیڈ کوچ مقرر کرنے کا اعلان کردیا ہے۔
 تفصیلات کے مطا بق کراچی کنگز نے اپنے ایک بیان میں کہا کہ ہرشل گبز سے ان کے جارحانہ بیٹنگ اسٹائل اور زبردست فیلڈنگ کے باعث معاہدہ کیا ، یقینی طور پر وسیم اکرم کے ماتحت ٹیم کی مضبوط مینجمنٹ کو مزید تقویت ملے گی۔ہرشل گبز کا تقرر آسٹریلیا کے سابق بلے باز،کراچی کنگز کے ہیڈ کوچ ڈین جونز کی ستمبر 2020 میں دل کا دورہ پڑنے کے باعث موت کے بعد کیا گیا ہے۔
بیان میں وسیم اکرم کے حوالے سے کہا گیا کہ 'ڈین جونز کی کمی پوری کرنا مشکل ہے لیکن ہرشل گبز جدید کھیل کو اچھی طرح سمجھتے ہیں اور بطور کوچ ان کا تجربہ بھی بڑھ رہا ہے، میرے حساب سے جیت کا تسلسل برقرار رکھنے کے لیے وہ ہمارے لیے بہترین ہیں'۔دوسری جانب ہرشل گِبز نے کہا کہ وہ اپنے نئے کردار کے لیے پرجوش ہیں اور انہیں لگتا ہے کہ جس طرح کراچی کنگز کی فرنچائز نے کئی سالوں میں بہترین قیادت اور کھلاڑیوں کے تحت جو کیمسٹری قائم کی ہے، یہ انہیں جوائن کرنے کا بہترین موقع ہے۔انہوں نے امید ظاہر کی کہ وہ ٹیم کے جیت کے تسلسل کو برقرار رکھیں گے۔اور اس کے لئے مزید کا میا بیوں کا با عث بنیں گے۔