دھند کے باعث فضائی آپریشن متاثر، پروازیں تاخیرکاشکار

(محمدخورشیدرحمانی)ملک میں جاری دھند کے باعث پی آئی اے کا فضائی آپریشن متاثرہواہے۔

قومی ایئرلائن کےترجمان کے مطابق لاہور، فیصل آباد، ملتان اور سیالکوٹ کے لیے پی آئی اے کی پروازیں متاثر ہو رہی ہیں،مسافروں سے درخواست ہے کہ پرواز کے لیے بکنگ کے وقت ایئر لائن کی جانب سے رابطے کے لئےدرست اور فعال نمبر کا اندراج لازمی کروائیں،پی آئی اے اپنے فضائی آپریشن کی حفاظت کو ناگزیر سمجھتا ہے،دھند کے باعث متاثرہ پرواز کی صورت میں طیارے اور زمینی عملے سے بھرپور تعاون کریں۔

یہ بھی پڑھیں:حکومت اور پی ٹی آئی کے درمیان مذاکرات کا دوسرا دور آج ہوگا

ترجمان پی آئی اے کے مطابق پروازوں کی تاخیر کے نتیجے میں مسافروں کی طرف سے عملے کے ساتھ عدم تعاون پرواز کی روانگی میں مزید تاخیر کا سبب بن سکتا ہے،مسافر اپنی پرواز سے متعلق پی آئی اے کے کال سینٹر یا ویب سائٹ سے بروقت معلومات حاصل کر سکتے ہیں۔