معروف یوٹیوبر مسٹر بیسٹ نے منگنی کرلی،تصاویروائرل
جمی ڈونلڈسن اور تھیا کی پہلی ملاقات 2022 میں جنوبی افریقہ میں ہوئی تھی
Stay tuned with 24 News HD Android App
(ویب ڈیسک)دنیا کے نمبر ون یوٹیوبر اور سوشل میڈیا انفلوئنسر جمی ڈونلڈسن المعروف مسٹر بیسٹ نے منگنی کرلی۔
مسٹربیسٹ نے یکم جنوری کو اپنے انسٹاگرام اکاؤنٹ پر مداحوں کے ساتھ یہ خوشخبری شیئر کرتے ہوئے ایک پوسٹ کی جس میں وہ اپنی منگیتر تھیا کو انگوٹھی پہنا رہے ہیں،یہ پوسٹ فوراً ہی وائرل ہوگئی اور مداحوں کی جانب سے مبارک باد کا سلسلہ شروع ہوگیا۔
یوٹیوبر نے کرسمس کے موقع پر لی گئی اپنی منگنی کی تصاویر اور ویڈیوز بھی شیئر کی ہیں جن کے کیپشن میں مسٹر بیسٹ نے لکھا کہ ’’لڑکے نے بڑا کام کر ڈالا‘‘، تصویر میں وہ اپنی منگیتر تھیا کو انگوٹھی پیش کرنے کےلیے گھٹنوں کے بل بیٹھے نظر آرہے ہیں۔
مسٹر بیسٹ کی منگیتر تھیا نے اس موقع پربتایا کہ ہم گھر پر کرسمس کا اہتمام کررہے تھے اور ان کی فیملی بھی جنوبی افریقہ سے یہاں پہنچی تھی،اس لیے دونوں خاندان اس موقع پر موجود تھے،ہم تحائف کھول رہے تھے اور پھر آخری تحفے کےلیے اس نے مجھے آنکھیں بند کرنے کو کہا کیونکہ وہ سرپرائز تھا۔
یہ بھی پڑھیں:کرسٹیانو رونالڈو نے ماورا حسین کو نئے سال کی مبارک باد دیدی
تھیا نے مزید کہا کہ مسٹر بیسٹ کے پروپوز کرنے پر میں نے فوراً ہاں کہہ دی اور بے انتہا خوش تھی۔
یاد رہے کہ دونوں کی ملاقات سال 2022 میں ایک مشترکہ دوست کے ذریعے جنوبی افریقہ میں ہوئی تھی۔