خلیجی ممالک میں پھنسے پاکستانیوں کے لئے خوشخبری۔۔ پی آئی اے کی پروازیں بھیجنے کا حکم 

 (24 نیوز) سربراہ قومی ایئر لائن ارشد ملک نے خلیجی ممالک میں پھنسے پاکستانیوں کوفوری طور پر واپس لانے کیلئے پروازیں بھیجنے کے احکامات جاری کر دیئے ہیں۔

تفصیلات کے مطابق نجی ائیر لائنز کی پروازیں منسوخ ہونے کی وجہ سے ہزاروں پاکستانی خلیجی ممالک میں پھنسے ہوئے ہیں، انہیں عید سے قبل واپس لانے کیلئے دوحہ سے پاکستان کیلئے چار بوئنگ 777 پروازیں لگا دی گئی ہیں۔
پی آئی اے حکام کے مطابق طلب کو دیکھتے ہوئے مزید پروازیں اگلے ایک دو روز تک لگائے جانے کا منصوبہ بھی طے ہے جبکہ بحرین کے لئے ائیر بس جہازوں کی جگہ بوئنگ 777 متبادل پرواز کے طور پر استعمال کیے جائیں گے۔
 حکام کا کہنا ہے کہ ائیر بس کے مقابلے میں بوئنگ 777 تین گنا زائد گنجائش رکھتا ہے۔ پی آئی اے سربراہ ارشد ملک کا کہنا ہے کہ خلیجی ممالک میں موجود پاکستانیوں کی ضرورت کا بغور مشاہدہ کر رہے، ہم اپنے ہم وطنوں کو دیار غیر میں بے مددگار نہیں چھوڑ سکتے۔
یہ بھی پڑھیں:سندھ حکومت کا تجاوزات آپریشن متاثرین کیلئے بڑا فیصلہ