ایاز امیر پر تشدد، عمران خان کا سخت ردعمل

(ویب ڈیسک ) پی ٹی آئی چیئرمین اور سابق وزیراعظم عمران خان کا کہنا ہے کہ سینئر صحافی ایاز امیر پر تشدد کی شدید الفاظ میں مذمت کرتا ہوں۔

تفصیلات کے مطابق پی ٹی آئی چیئرمین عمران خان نے سماجی رابطے کی ویب سائٹ ٹویٹر پر اپنے پیغام میں کہا کہ پاکستان فسطائیت کے بدترین دلدل میں اتر رہا ہے، شہریوں، صحافیوں، اپوزیشن سیاست دانوں پر تشدد اور جعلی مقدمات بنائے جارہے ہیں۔عمران خان نے لکھا کہ ’جب ریاست اخلاقی بالادستی کھو دیتی ہے تو تشدد پر اتر آتی ہے۔‘

I condemn in strongest terms the violence against senior journalist Ayaz Amir today in Lahore. Pak descending into the worst kind of fascism with violence & fake FIRs against journalists,opp politicians, citizens.When the State loses all moral authority it resorts to violence.

— Imran Khan (@ImranKhanPTI) July 1, 2022

واضح رہے کہ وزیراعظم شہباز شریف اور وزیر اطلاعات مریم اورنگزیب نے صحافی ایاز امیر پر تشدد کے واقعے کا نوٹس لیتے ہوئے تحقیقات کا حکم دیا ہے۔

یاد رہے کہ لاہور میں سینئر صحافی ایاز امیر نجی ٹی وی پر شوکر کے جا رہے تھے کہ راستے میں انہیں نامعلوم افراد کی جانب سے روکا گیا اور انہیں تشدد کا نشانہ بنایا گیا۔نامعلوم گاڑی میں آنے والے چھ افراد ایاز امیر کا موبائل فون اور پرس بھی ساتھ لے گئے اور ان کے ڈرائیور پر بھی تشدد کیا۔

خیال رہے کہ ایاز امیر نے گزشتہ روز چیئرمین پی ٹی آئی عمران خان کے رجیم چینج سیمینار میں شرکت کی اور خطاب کیا تھا۔