زیر سمندر آکٹوپس کی نئی حیرت انگیز نرسری دریافت

(ویب ڈیسک)  کوسٹا ریکا کے ساحل سے بحر اوقیانوس کی سطح سے تقریباً 2 میل گہرائی میں محققین نے ایک آکٹوپس نرسری دریافت کی ہے۔

عالمی میڈیا رپورٹس کے مطابق تین ہفتوں پر مشتمل مہم کے دوران شمٹ اوشین انسٹی ٹیوٹ کے فالکور نامی ریسرچ جہاز پر سوار سائنسدانوں نے زیر سمندر سینکڑوں کی تعداد میں آکٹوپس کی آبادی کو دریافت کیا جو کہ فٹ بال کے میدان جتنی جگہ پر پھیلی ہوئی تھی۔

آکٹوپس کی یہ نرسری 2,800 میٹر (1.7 میل) گہرائی میں واقع ہے اور اسکی دریافت جہاز سے بھیجے گئے زیرِ آب روبوٹ ROV Subastian کی مدد سے کی گئی۔

Scientists have discovered the third octopus nursery in the world off the coast of Costa Rica, in an area previously believed to be uninhabitable for new life pic.twitter.com/i7q8ZuqIQs

— CNN (@CNN) July 1, 2023

بیگلو لیبارٹری فار اوشین سائنسز کے سینئر ریسرچ سائنسدان اور جیومیکروبائیولوجسٹ بیتھ آرکٹ نے کہا کہ ہم دیکھ سکتے ہیں کہ اس نرسری میں مادائیں اپنے انڈوں کی حفاظت کررہی تھیں جبکہ کچھ انڈوں میں سے بچے نکلنے والے تھے۔

مزید پڑھیں:  ٹویٹر نے صارفین پر نئی پابندیاں لگا دیں

دوسری جانب کوسٹا ریکا یونیورسٹی کے سینٹر فار ریسرچ ان میرین سائنسز اینڈ لِمنولوجی کے محقق جارج کورٹس نے کہا کہ یہ واقعی ایک دلچسپ لمحہ تھا کیونکہ ہم اس کی توقع نہیں کر رہے تھے۔