امتحانات کے اعلان کے بعد شفقت محمود کی بچوں کو وارننگ

(24 نیوز)وفاقی وزیر تعلیم شفقت محمود نے امتحانات کے حوالے سے بچوں کو وارننگ جاری کردی۔
شفقت محمود نے پریس کانفرنس کی اور رواں سال لازمی امتحانات لینے کا اعلان کیا۔انہوں نے کہا کہ 9 ویں اور 10 ویں کا صرف اختیاری مضامین اور ریاضی میں امتحان لیا جائے گا یعنی نویں اور دسویں کے صرف چار مضامین کے امتحانات ہوں گے جبکہ 11 ویں اور 12 ویں کے صرف اختیاری مضامین کے امتحانات لیے جائیں گے۔

امتحانات لینے کے فیصلے پر کسی قسم کی نظر ثانی نہیں ہوگی ۔ بچے تیاری کریں طلباء کے جائز مطالبات پر ہم نے کافی نرمی کی ہے ۔ یہ بچوں کے مستقبل اور تعلیم کا فیصلہ ہے۔
وفاقی وزیر تعلیم @Shafqat_Mahmood کی پریس کانفرنس pic.twitter.com/heIAYYTIbi

— Ministry of Federal Education/ProfessionalTraining (@EduMinistryPK) June 2, 2021

انہوں نے مزید بتایا کہ امتحانات اب 24 جون کے بجائے 10 جولائی سے ہوں جبکہ پہلے انٹر اور پھر میٹرک کے پیپر ہوں گے۔وزیرتعلیم کا کہنا تھاکہ بورڈ کو پرچوں میں وقفہ رکھنے کا بھی کہا ہے تاکہ بچوں کو تیاری کا مناسب وقت مل سکے۔
پریس کانفرنس کے دوران وزیر تعلیم نے بچوں کو وارننگ بھی دی اور کہا کہ امتحانات لینے کے فیصلے پر کسی قسم کی نظر ثانی نہیں ہوگی۔انہوں نے مزید کہا کہ بچے تیاری کریں کیونکہ جائز مطالبات پر ہم نے کافی نرمی کی ہے اور یہ بچوں کے مستقبل اور تعلیم کا فیصلہ ہے۔

یہ بھی پڑھیں: میٹرک اور انٹر میڈیٹ کے امتحانات ہونگے یا نہیں ؟ شفقت محمود نے اہم اعلان کردیا