احد رضا میر کی نئی تصویر سوشل میڈیا پر توجہ کا مرکز بن گئی
Stay tuned with 24 News HD Android App
(ویب ڈیسک) عالمی شہرت یافتہ پاکستانی معروف اداکار احد رضا میر نے اپنے نئے بین الاقوامی پروجیکٹ کی پہلی جھلک اپنے سوشل میڈیا اکاؤنٹ پر شیئر کردی۔ ان کی ساتھی فنکارہ رمشا خان کی جانب سے دی جانے والی نیک خواہشات سوشل میڈیا صارفین کی توجہ کا مرکز بن گئیں۔
فوٹو اینڈ ویڈیو شیئرنگ پلیٹ فارم انسٹاگرام پر اداکار احد رضا میر نے اپنی نئی برطانوی ویب سیریز ’ورلڈ آن فائر‘ کے سیزن 2 سے تصویر شیئر کی، جو کہ رواں سال 15 اکتوبر کو ریلیز ہونے والی ہے۔
انسٹاگرام پر شیئر کی گئی اس تصویر میں احد رضا میر ملٹری یونیفارم زیب تن کیے ہوئے ہیں، جبکہ ان کے چہرے پر بھی نشانات واضح ہیں۔
View this post on Instagram
احد رضا میر کی جانب سے شیئر کی گئی اس تصویر پر کمنٹس میں تبصرہ کرتے ہوئے جہاں ان کے مداحوں نے انہیں اس پروجیکٹ پر مبارک باد اور نیک تمناؤں کا اظہار کیا وہیں ان کی ساتھی فنکارہ رمشا خان کی جانب سے دی جانے والی نیک خواہشات سوشل میڈیا صارفین کی توجہ کا مرکز بن گئیں۔
View this post on Instagram
کمنٹس میں تبصرہ کرتے ہوئے رمشا خان اور احد رضا میر کی جوڑی کے مداح بے پناہ خوش دکھائی دیئے اور ان سے ایک بار پھر ایک ساتھ کام کرنے کی التجاہ کرتے دکھائی دیئے۔
خیال رہے کہ احد رضا میر 6 اقساط پر مبنی اس سیریز میں برٹش انڈین آرمی کے رہنما رجب کے کردار میں، لٹل مرمیڈ اسٹار جونا ہور کنگ کے ساتھ دکھائی دیں گے۔