بلوچستان کے 14 اضلاع میں انسدادِ پولیو مہم کل سے شروع ہو گی
Stay tuned with 24 News HD Android App
(24نیوز) بلوچستان کے 14 اضلاع میں پولیو کے خلاف مہم کل(پیر) سے شروع ہو گی۔
کوآرڈینیٹر ایمرجنسی آپریشن سینٹر زاہد شاہ کا کہنا ہے کہ کوئٹہ، پشین، قلعہ عبداللّٰہ، چمن، دکی، لسبیلہ اور خضدار 14 اضلاع میں شامل ہیں،زاہدشاہ نے بتایا کہ حب، چاغی، ژوب، نوشکی، قلعہ سیف اللّٰہ، لورالائی اور مستونگ میں بھی کل سے پولیم مہم کا آغاز ہو گا،انہوں نے بتایا کہ 18 لاکھ 84 ہزار سے زائد بچوں کو اس 7 روزہ انسداد پولیو مہم میں پولیو سے بچاؤ کے قطرے پلائےجائیں گے، جس میں 7 ہزار سے زائد ٹیمیں حصہ لیں گی۔
ان کا کہنا ہے کہ 6 اضلاع میں ہیٹ ویو کی پیش گوئی کے باعث مہم 5 روز کے لیے مؤخر ہے، ان اضلاع میں انسدادِ پولیو مہم 8 جون سےشروع ہو گی،کوآرڈینیٹر ایمرجنسی آپریشن سینٹر نے بتایا کہ نصیر آباد، سبی، جعفر آباد، اوستہ محمد، ڈیرہ بگٹی اور صحبت پور میں 8 جون سے پولیو مہم شروع ہو گی،زاہد شاہ نے یہ بھی بتایا ہے کہ بلوچستان میں رواں سال پولیو کے 3 کیسز قلعہ عبداللّٰہ، چمن اور ڈیرہ بگٹی سے رپورٹ ہوئے ہیں، انسدادِ پولیو مہم ماحول میں پولیو وائرس کی موجودگی پر شروع کی جا رہی ہے۔
یہ بھی پڑھیں: امریکی سپر ماڈلز کا فلسطین کیلئے 10 لاکھ ڈالر امداد کا اعلان