ہم نے ضمیر کا ووٹ مانگا ہے،علی حیدر گیلانی

(24 نیوز)سابق وزیر اعظم یوسف رضا گیلانی کے بیٹے علی حیدر گیلانی کا کہنا ہے کہ امیدوار کا بیٹا ہوں ، ووٹ مانگنا میرا حق ہے۔ ہم نے اراکین سے ضمیر کا ووٹ مانگا ہے۔
تفصیلات کے مطابق پیپلزپارٹی کے رہنما علی حیدر گیلانی نے کہا کہ مجھے پتہ ہے ووٹ کس طرح مانگا جاتا ہے، ووٹ کیلئے کیا کیا کرنا پڑتا ہے۔ پوری امید ہے یوسف رضا گیلانی اسلام آباد کی سیٹ جیتیں گے۔ ان کا کہنا ہے کہ کمپین کے سلسلے میں بہت سارے اراکین سے ملتا رہا ہوں، ان اراکین سے ووٹ مانگا ہے، حکومتی اراکین سے بھی ووٹ مانگا ہے  ۔
علی حیدرگیلانی نے کہا کہ عمران خان نے اپنے اراکین کو 50 کروڑ کے فنڈز دیئے کیا یہ فنڈز دینا ووٹ کی خریدوفروخت نہیں۔ ویڈیو میں موجود اراکین کا تعلق پی ٹی آئی سے ہے اگر یہ ارکان سو بار بلائیں گے تو میں جاﺅں گا ۔ 
انہوں نے کہا کہ ان اراکین نے کہا کہ وہ گیلانی صاحب کو ووٹ دینا چاہتے ہیں، حفیظ شیخ ہم کو جانتا ہی نہیں ، حفیظ شیخ انہیں دفتر میں نہیں گھسنے دیتا ۔