انٹرنیشنل ٹینس فیڈریشن کا روس اور بیلا روس کیخلاف بڑا فیصلہ

(مانیٹرنگ ڈیسک)فیفا اور یوئیفا کے بعد انٹرنیشنل ٹینس فیڈریشن نے بھی یوکرین پر روسی حملوں کے ردعمل کے طور پر روس پر پابندیاں عائد کر دیں۔

غیر ملکی میڈیا کے مطابق انٹرنیشل ٹینس فیڈریشن نے روس اور بیلا روس کی رکنیت  معطل کر دی ہے۔  روس اور بیلا روس میں  آئندہ کوئی انٹر نیشنل ٹینس ایونٹ نہیں ہو گا۔روس اور بیلا روس کو ٹینس کے ٹیم  ایونٹس میں شرکت کی اجازت بھی نہیں ہوگی تاہم ان ممالک کے کھلاڑی بغیر کسی قومی شناخت کے  ٹورنامنٹس میں شرکت کر سکیں گے۔

یاد رہے کہ گزشتہ روزبین الاقوامی اولمپک کمیٹی نے  سفارش کی تھی کہ  کھیلوں کی تنظیمیں روسی اور بیلاروسی ایتھلیٹس کو ایونٹس میں شرکت  سے روکیں۔اس سے قبل  فٹبال کی عالمی تنظیم فیفا نے روس پر فٹبال کے تمام مقابلوں میں حصہ لینے پر پابندی عائد کی تھی ۔

یہ بھی پڑھیں:عوام کو مہنگائی کا ایک اور جھٹکا

فیفا اور یوئیفا کی جانب سے جاری کیے گئے مشترکہ بیان کے مطابق روس کسی بھی قسم کےفٹبال مقابلوں میں شرکت نہیں کرسکے گا۔

 واضح رہے کہ روس کی قومی فٹبال ٹیم نے 24 مارچ کو ورلڈکپ کے پلے آف مرحلے کے لیے پولینڈ کے ساتھ کھیلنا تھا۔

یہ بھی پڑھیں: دلہا دلہن کا ہار پہنانے کا انوکھا انداز، ایسا رویہ تو روسی صدر کا بھی نہیں