پیپلز پارٹی کا عوامی مارچ آج  پنجاب میں داخل ہو گا

 (24نیوز) پیپلز پارٹی کا عوامی مارچ آج سندھ سے پنجاب میں داخل ہو  گا اور بلاول بھٹو زرداری شرکاسے خطاب کریں گے۔ 

تفصیلات کے مطابق بلاول بھٹوزرداری نے رات سکھرمیں خورشید شاہ کی رہائش گاہ پرقیام کیا جبکہ عوامی مارچ آج سکھر سے گھوٹکی اور پھر رحیم یار خان روانہ ہو گا اور صوبہ سندھ سے پنجاب میں داخل ہو جائے گا،چیئرمین پیپلزپارٹی بلاول بھٹو زرداری کی قیادت میں عوامی لانگ مارچ کے شرکاتیسرے مرحلے میں سکھر پہنچے جہاں ان کے استقبال کیلئے سٹی بائی پاس پر 100 فٹ لمبا تیر کا نشان آویزاں کیا گیا ،سکھر میں قیام کے بعد چوتھے مرحلے میں عوامی لانگ مارچ کے شرکابلاول بھٹو زرداری کی قیادت میں سکھر سے گھوٹکی اور پھر رحیم یار خان کیلئے روانہ ہوں گے جہاں چوک بہادر پور پر بلاول بھٹو شرکاسے خطاب کریں گے۔

یہ بھی پڑھیں: روس کاخارکیف پرمیزائل حملہ، درجنوں افراد ہلاک؛ خوفناک ویڈیو وائرل