شوہر کے مبینہ تشددسے بیوی جاں بحق،رکشے میں لاش سسرال بھیج کر ملزم فرار

(24 نیوز) صوبائی دارالحکومت لاہور میں ہربنس پورہ کے علاقہ توحید پارک میں شوہر کے مبینہ تشدد سے بیوی جاں بحق ہو گئی۔ملزم فرار ہو گیا۔

 پولیس کے مطابق 36 سالہ انجم کی 15 سال قبل نثار سے شادی ہوئی تھی،سوتر مل مناواں کے رہائشی نثار کا اپنی اہلیہ سے جھگڑا ہوا، ملزم کے بہیمانہ تشدد کے باعث خاتون دم توڑ گئی۔ملزم نے اہلیہ کی لاش اور 10 سالہ بیٹی کو رکشے میں بٹھاکر سسرال پہنچا دیا۔ملزم موقع سے فرار ہو گیا جس کی تلاش جاری ہے۔

  معاشرے میں عدم برداشت کا رویہ بڑھتا ہی جا رہا ہے، ایک اور واقعے میں خاتون نے اپنی بیٹی کو زہر پلا دیا، کوٹ لکھپت کے علاقے کی رہائشی  سائرہ نامی خاتون کو اپنی سترہ سالہ بیٹی لائبہ  کے کردار پر شک تھا۔  جس پر سائرہ بی بی نے اپنے شوہر آصف کی غیر موجودگی میں بیٹی کو دوائی کے بہانے زہر پلایا۔لائبہ کو ہسپتال لے جایا گیا مگر وہ جانبر نہ ہوسکی۔واقعہ کے بعد ملزمہ سائرہ گھر سے فرار ہوگئی۔مقتولہ لائبہ کے والد کی درخواست پرتھانہ کوٹ لکھپت پولیس نے مقدمہ درج کرلیا۔
یہ بھی پڑھیں: روسی حملہ۔امریکا کے بعد نیٹو کا بھی اہم اعلان۔یوکرین پریشان