فواد چودھری ٹاؤٹ، پرویز خٹک جیسے لوگ سیاسی جنازے ہیں: رؤف حسن

( 24  نیوز )رہنما تحریک انصاف رؤف حسن نے کہا ہے کہ فواد چودھری ٹاؤٹ، پرویز خٹک جیسے لوگ سیاسی جنازے ہیں۔

  نجی ٹی وی میں گفتگو کرتے ہو ئے رؤف حسن کا کہنا تھا کہ بانی پی ٹی آئی نےکہا ہےکہ ہم بات چیت کرناچاہتےہیں، سیاست کےراستے ختم کردیں گےتوپھررابطوں کےدیگر آپشن استعمال ہوں گے۔

انہوں نے کہا کہ کھوکھلے نعروں سے ملک نہیں چلتے ہیں، ہم تنقید نہیں کررہے، ہم حقائق بیان کررہے ہیں، ہماری پارٹی میں جو گندے انڈے تھے ان کو نکال دیا ہے، جوگندے انڈےباقی رہ گئے وہ بھی جلدنکل جائیں گے۔

 یہ بھی پڑھیں:مریم نواز کا گراں فروشی کیخلاف کریک ڈاؤن کا حکم  

رہنما تحریک انصاف کا کہنا تھا کہ مولانا اور پی ٹی آئی کےدرمیان تمام مسائل حل ہوجائیں گے،حکومت کب تک گھٹن کا ماحول برقرار رکھے گی۔

رؤف حسن کا مزید کہنا تھا کہ فواد چودھری جیسے لوگ ٹاؤٹ ہیں ان کی کوئی اہمیت نہیں، پرویز خٹک جیسے لوگ سیاسی جنازے ہیں۔