سیالکوٹ اور کوئٹہ میں ہلکی بارش ،بیشتر علاقوں میں موسم گرم
Stay tuned with 24 News HD Android App
(24 نیوز)صوبہ بلوچستان کے دارالحکومت کوئٹہ اور پنجاب کے ضلع سیالکوٹ میں آج ہلکی بارش ہوئی ہے ۔ محکمہ موسمیات کی جانب سےملک کے بعض علاقوں میں آج بارش کی پیش گوئی کی گئی ہے۔
تفصیلات کے مطابق محکمہ موسمیات کا کہنا ہے کہ ملک کے بیشتر علاقوں میں موسم گرم اورخشک رہے گا۔ تاہم شمال /مشرقی بلوچستان ،بالائی سندھ ،جنوبی پنجاب، خیبر پختونخوا کے مغربی اضلاع اور کشمیر میں آندھی/ تیز ہواؤں اورگرج چمک کے ساتھ چند مقامات پر بارش کا امکا ن ہے ۔پیر کے روز ملک کے بیشتر میدانی علاقوں میں دن کے اوقات میں موسم گرم اورخشک رہے گا۔ تاہم شمالی بلوچستان اورخیبر پختونخوا کے مغربی اضلاع میں آندھی/ تیز ہواؤں اورگرج چمک کے ساتھ چند مقامات پر بارش کا امکا ن ہے ۔