اداکارہ حرامانی نے اپنی خوبصورت تصویر شیئرکرتے ہوئے لوٹنے والوں کیلئے اہم پیغام جاری کردیا

 (24 نیوز)اداکارہ حرامانی نے گھر کے باہر گن پوائنٹ پر لوٹنے والوں کو معاف کردیا۔اداکارہ نے انسٹاگرام پر اپنی ایک خوبصورت تصویر شیئر کرتے ہوئے اپنے مقبول ڈرامے کے گانے پر مشتمل ایک پوسٹ شیئر کی۔اداکارہ نے اپنی پوسٹ کے کیپشن میں لکھا کہ جا تجھے معاف کیا، میرا فون چھیننے والے۔سوشل میڈیا صارفین کی جانب سے ان کی تصویر کو خوب سراہا جارہا ہے۔
واضح رہے کہ گزشتہ روز اداکارہ حرامانی کو ان کے گھر کے باہر گن پوائنٹ پر لوٹ لیاگیاتھا۔مقبول فوٹو شیئرنگ ایپ انسٹاگرام سٹوری پر اداکارہ کی جانب سے گن پوائنٹ پر لوٹے جانے کی ویڈیوز مداحوں سے شیئر کی گئی ہیں۔ویڈیو میں دیکھا جاسکتا ہے کہ اداکارہ کی گاڑی ان کے گھر کے باہر آکر رکتی ہے ، جس کے بعد اداکارہ کا بڑا بیٹا گاڑی سے باہر آتا ہے اور گھر کی بیل بجاتا ہے۔بعد ازاں اداکارہ کا دوسرا بیٹا گاڑی سے باہر آتا ہے اور عین اسی لمحے پیچھے سے موٹر سائیکل پر سوار دو ڈاکو اداکارہ کی گاڑی کے پاس آکر ان سے گن پوائنٹ پر موبائل لوٹ کر فرار ہو جاتے ہیں بعد ازاں ویڈیو میں اداکارہ کو بھی گاڑی سے باہر نکلتے دیکھا جا سکتاہے۔اداکارہ کی لٹنے کی ویڈیوز سوشل میڈیا پر بھی خاصی وائرل ہو گئی ہیں جس پر صارفین بھی غم و غصے کا اظہار کرتے ہوئے عدم تحفظ کے احساس کا اظہار کر رہے ہیں۔

View this post on Instagram

A post shared by Hira Mani (@hiramaniofficial)

یہ بھی دیکھیں: اداکارہ ’’حرا مانی‘‘ کو گھر کے باہر لوٹ لیا گیا۔۔ ویڈیو وائرل

View this post on Instagram

A post shared by Instant Lollywood (@instant_lollywood)