جنگ زدہ سوڈان سے پاکستانیوں کے بحفاظت انخلاء کا آپریشن کامیابی سے مکمل

(محسن الملک) جنگ زدہ سوڈان سے پاکستانیوں کا بحفاظت انخلاء مکمل کر لیا گیا ہے، ترجمان دفتر خارجہ کے مطابق ایک ہزار پاکستانیوں کو سوڈان سے باہر نکال لیا گیا ہے۔

جنگ زدہ سوڈان سے پاکستانیوں کا بحفاظت انخلاء مکمل کر لیا گیا ہے اس حوالے سے ترجمان دفتر خارجہ کا کہنا ہے کہ کامیابی سے بحفاظت ایک ہزار پاکستانیوں کو سوڈان سے باہر نکال لیا گیا ہے اور اس کے ساتھ ہی وہاں سے ہمارے انخلاء کی کارروائیاں مکمل ہوگئی ہیں۔

ترجمان دفتر خارجہ نے مزید کہا کہ اللہ کے فضل اور خرطوم میں ہمارے سفارتخانے کی کوششوں سے انخلاء ممکن ہوا۔ اس انخلاء میں سعودی عرب اور چین سمیت جدہ اور اسلام آباد میں ہماری ٹیموں کا بھرپور تعاون رہا اور آخری پاکستانی کی بحفاظت واپسی تک جدہ کے راستے انخلاء کا عمل جاری رہے گا۔

By Allah’s grace and tireless efforts of our embassy in Khartoum led by Amb Regi, supported by ???????? and ???????? and our teams in Jeddah and Islamabad, we have successfully & safely evacuated over 1000 Pakistanis out of Sudan. With this our evacuation operations out of Sudan have ended.

— Spokesperson ???????? MoFA (@ForeignOfficePk) May 2, 2023

ذرائع نے بتایا کہ کراچی ایئرپورٹ پر اب تک 636 شہری اتر چکے ہیں جنہیں جدہ کے راستے پاک فضائیہ کی پانچ خصوصی پروازوں کے ذریعے وطن واپس لایا گیا۔

پی آئی اے کی ایک اور پرواز 93 مزید شہریوں کو اسلام آباد لے کر آئی، جس سے وطن واپس آنے والے پاکستانیوں کی تعداد 729 ہوگئی۔

ذرائع نے مزید کہا کہ حکومت نے دیگر ممالک کے برعکس پہلے عام شہریوں اور پھر سفارتکاروں کو وطن واپس بھیجنے کیلئے انخلاء کی پالیسی بنائی۔