وہاج علی اور عائزہ خان کا ایک ساتھ نیا پروجیکٹ

(ویب ڈیسک)پاکستانی معروف ڈرامہ سیریل" تیرے بن" سے شہرت کی بلندیوں پر پہنچنے والے معروف اداکار وہاج علی کا سپر سٹار اداکارہ عائزہ خان کے ساتھ نیا پروجیکٹ ،صارفین کی توجہ کا مرکز بن گیا۔

تفصیلات کے مطابق معروف اداکار وہاج علی نے ان دنوں کئی ہٹ ڈرامہ پروجیکٹس  میں نظر آرہے ہیں، جن میں "مجھے پیار ہواتھا"  جیسے بڑے پروجیکٹ شامل ہیں ، جبکہ پاکستان کی معروف  شخصیات مہوش حیات اور سجل علی کے ساتھ شارٹ فلم کرنے کے بعد لالی ووڈ کی خوبصورت اداکارہ عائزہ خان کے ساتھ نیا  پروجیکٹ سائن کرلیا ہے۔

عائزہ خان اور وہاج علی بگ بینگ پروڈکشن کے آنے والے ڈرامے "میں"میں نظر آئیں گے۔ دونوں اداکاروں نے انسٹاگرام سٹوری کے ذریعے اپنے مداحوں کواپنے نئے پروجیکٹ  کا اشارہ  بھی دے دیاہے۔

 واضح رہے کہ اس ڈرامے کی کہانی زنجابیل عاصم شاہ نے لکھی ہے جبکہ بدر محمود ہدایت کار کی کریں گے۔