پشین: دہشتگردوں کی فائرنگ، پولیس اہلکار جاں بحق

(ویب ڈیسک) پشین میں دہشت گردوں کی فائرنگ سے پولیس اہلکار شہید ہوگیا۔

پشین کے علاقے کلی تراٹہ میں دہشتگردوں نے پولیس ہیڈ کانسٹیبل زین اللہ کاکڑ کو اس وقت نشانہ بنایا جب وہ صدر تھانہ سرخاب سے ڈیوٹی کے بعد سرکاری وردی میں گھر کی طرف جارہا تھا۔

رپورٹ کے مطابق شہید پولیس اہلکار کی لاش سول اسپتال پشین منتقل کردی گئی جہاں قانونی کارروائی کے بعد لاش کو پوسٹمارٹم کیلئے کوئٹہ منتقل کردیا گیا۔

یہ بھی پڑھیے: کراچی واٹر اینڈ سیوریج بورڈ کے افسر مشتبہ ڈاکوؤں کی فائرنگ سے جاں بحق

شہید پولیس اہلکار زین اللہ کاکڑ کا تعلق برشور کے کلی تخوائی کرم زئی سے بتایا جاتا ہے۔ یاد رہے کہ گزشتہ ہفتے کلی تراٹہ میں پولیو ٹیم کیساتھ سیکیورٹی پر مامور پولیس اہلکار کو بھی شہید کیا گیا۔