(ویب ڈیسک)مشیر اطلاعات پنجاب عمر سرفراز چیمہ نے کہاہے کہ پی ڈی ایم حکومت چند دن کی مہمان ہے، تشدد کا راستہ اپنایا تو چھپنے کی جگہ نہیں ملے گی ، عمران خان کا حق سچ اور قوم کی تقدیر بدلنے کا بیانیہ سرچڑھ کر بول رہا ہے۔
نجی ٹی وی چینل کے مطابق عمر سرفراز چیمہ کا کہناہے کہ ن لیگ جاتی امرا، پیپلزپارٹی اندرون سندھ تک محدود ہو چکی ، لندن میں بیٹھ کر بڑھکیں مارنا ن لیگ کا پرانا وطیرہ ہے ،ان کاکہناہے کہ ن لیگ کی ساری سیاست ڈیل اور ڈھیل کے گرد گھومتی ہے ،مخالفین کو ناکامی کے سوا کچھ نہیں ملے گا۔