ٹھل میں بس اور منی ٹرک میں تصادم ، بچوں سمیت 5 افرادجاں بحق،18زخمی

(24نیوز)سندھ کی تحصیل ٹھل میں گرڈ سٹیشن کے نزدیک مسافر بس اور منی ٹرک میں تصادم کے نتیجے میں 3 بچوں سمیت 5 افرادجاں بحق ہوگئے۔

پولیس کے مطابق مسافر بس کوئٹہ سے کندھ کوٹ کی طرف جا رہی تھی ، حادثے میں تین بچوں سمیت پانچ افراد موقع پر دم توڑ گئے جبکہ خواتین اور بچوں سمیت 18افراد زخمی بھی ہوئے ۔

واقعے کی اطلاع ملنے پر پولیس اور امدادی ٹیمیں موقع پر پہنچ گئیں ، زخمیوں میں متعدد کی حالت تشویشناک ہے ، تمام زخمیوں کو ہسپتال منتقل کر دیا گیا۔

پولیس کے مطابق حادثہ تیزرفتاری باعث پیش آیا ۔