مریم نواز نے ناممکنات کو ممکن کر دکھایا، عظمیٰ بخاری

(24 نیوز) وزیرِ اطلاعات پنجاب عظمیٰ بخاری نے کہا ہے کہ یہ لوگ اعلانات کرتے رہ گئے مریم نواز نے ناممکنات کو ممکن کر دکھایا۔

اپنے ایک بیان میں انہوں نے کہا کہ یہ لوگ کبھی کسانوں پر سیاست کرتے ہیں تو کبھی نابینا افراد پر۔عظمیٰ بخاری نے کہا کہ وزیرِ اعلیٰ پنجاب نے کسان کارڈ اور ہمت کارڈ کی طرح مینارٹی کارڈ کے اجرا کا بھی اعلان کردیا، دسمبر میں کرسمس تقریبات کے آغاز کے ساتھ ہی وزیرِ اعلیٰ مینارٹی کارڈ کا ابھی اجرا کریں گی۔

ن لیگی رہنما نے کہا کہ نواز شریف کینسر ہسپتال میں ملک بھر کے مریض علاج کروا سکتے ہیں۔

عظمیٰ بخاری نے کہا کہ آج لاہور میں فضائی آلودگی انتہا پر ہے۔

یہ بھی پڑھیں : خیبر پختونخوا اپنی ٹرانسمیشن لائن بچھانے والا پہلا صوبہ ہو گا، بیرسٹر محمد علی سیف