ممیاشاجفرسرمدکھوسٹ نے نئی فلم"شکرہ"میں مرکزی کردارکریں گی
ڈرامہ کراس روڈز میں خوشحال خان کے ساتھ ان کی کیمسٹری کوکافی پسندکیاگیاہے
Stay tuned with 24 News HD Android App
(ویب ڈیسک)معروف اداکار،مصنف اور ہدایت کارسرمدکھوسٹ نے اپنی نئی پنجابی فلم"شکار"میں مرکزی کردار کے لیے ابھرتی ہوئی اداکارہ ممیا شا جفرکاانتخاب کرلیا۔
سرمدکھوسٹ کی یہ فلم ایک لواسٹوری ہے،تاہم فلم کے حوالے سے مزیدتفصیلات خفیہ رکھی جارہی ہیں،سرمدکھوسٹ کی جانب سے سوشل میڈیاپراپنے نئے پراجیکٹ کے حوالے سے تفصیلات شیئرنہیں کی گئیں،تاہم ایک انٹرویومیں یہ ضروربتایاہے کہ میں ایک فیچرفلم پر کام کررہاہوں جس کانام "شکرہ"ہے اوریہ ایک لواسٹوری ہے۔
سرمدکھوسٹ اس سے قبل کئی فلمیں اورڈرامے بناچکے ہیں،سپرہٹ ڈرامہ "ہمسفر"اور"شہرذات"بھی بطورڈائریکٹران کے کریڈٹ پر ہیں۔
ممیاشاجفرابھرتی ہوئی باصلاحیت اداکارہ ہیں جوکئی ڈراموں میں اداکاری کے جوہردکھاچکی ہیں،اداکارہ ہونے کے ساتھ ساتھ وہ ایک پینٹراوررائٹربھی ہیں،وہ اس سال کے مقبول ڈرامے"کراس روڈز"میں بھی حیاکے کردار میں اپنی فنکارانہ صلاحیتوں کومنواچکی ہیں،اس ڈرامے میں خوشحال خان کے ساتھ ان کی کیمسٹری کوکافی پسندکیاگیاہے،اس کے علاوہ ان کاڈرامہ "جان سے پیارجونی"بھی ناظرین میں مقبولیت حاصل کئے ہوئے ہے۔
شوبزحلقوں کے مطابق سرمدکھوسٹ نے لگتاہے "کراس روڈز"میں ممیا کی جاندار اداکاری دیکھ کر ہی انہیں اپنی نئی پنجابی فلم"شکرہ"میں مرکزی کردار کے لیے کاسٹ کرنے کافیصلہ کیاہے۔