بونیر :بریک فیل ہونے سے مسافر وین کھائی میں جاگری،8افراد جاں بحق،6د زخمی

(انوارالحق) خیبر پختونخوا کے ضلع بونیر کی تحصلی چغرزئی میں بریک فیل ہونے کی وجہ سے پک اپ گاڑی کھائی میں گرنے سے8 افراد جاں بحق جبکہ 6شدیدزخمی ہوگئے۔

تفصیلات کے مطابق  بونیر کی تحصیل چغرزئی میں بریک فیل ہونے کے بعد مسافر گاڑی گہری کھائی میں گری جس کے نتیجے میں8افراد موقع پر جاں بحق جبکہ 6 شدید زخمی ہوئے،حادثے کے بعد ریسکیو 1122 کے رضاکاروں نے زخمیوں کو علاج اور میتوں کو ضابطے کی کارروائی کیلیے ڈی ایچ کیو ہسپتال منتقل کیا۔
 گورنر خیبرپختونخوا فیصل کریم کنڈی نے حادثے پر افسوس کا اظہار کیا اور وین حادثہ میں8 افراد کے جاں بحق ہونے پر دلی رنج و غم کا اظہار کیا ہے،انہوں نے جاں بحق افراد کے لواحقین سے دلی ہمدردی کا اظہار جبکہ مرحومین کی مغفرت و بلند درجات کیلیے دعا کی،انہوں نے زخمیوں کیلیے نیک خواہشات اور اُن کی جلد مکمل صحت یابی کی دعا کی۔
 یہ بھی پڑھیں:  کرنٹ لگنے سے 4 بچے جاں بحق