(24 نیوز)راولپنڈی تھانہ سول لائن کے علاقہ میں منشیات فروشوں کے خلاف کارروائی کے دوران فائرنگ کے تبادلے میں اے ایس آئی اسلم فاروقی شہید ہو گئے۔
پولیس کے مطابق واقعہ مریڑ حسن کے قریب پیش آیا ہے۔ فائرنگ کے تبادلے کے دوران ایک ڈرگ ڈیلر ہلاک ہوا ہے جبکہ واقعہ کی مزید تحقیقات کی جا رہی ہیں۔28سال کی عمر میں شہادت کے مرتبے پر فائز ہونے والا اسسٹنٹ سب انسپکٹر کی ساڑھے تین سال قبل شادی ہوئی تھی۔شہید کے تین کمسن بچے ہیں۔
مقابلہ کے امتحان میں نمایاں کامیابی کے بعد اے ایس آئی کے عہدے پر محکمہ پولیس میں شمولیت اختیار کی تھی۔ شہید کی نماز جنازہ صبح پولیس لائن میں ادا کی جائے گی۔
یہ بھی پڑھیں: ”چیئرمین پی سی بی ہوں ۔۔ہوش میں رہ کر بات کرو“رمیز راجہ نے باسط علی کی کلاس لے لی۔۔مگر کیوں؟