ہنسنے پر مجبور کرنے والا طنز و مزاح کا آفتاب غروب ہو گیا،بلاول بھٹو

(مانیٹرنگ ڈیسک)پاکستان پیپلز پارٹی کے چیئرمین بلاول بھٹو زرداری نے کہا ہے  کہ اداکار عمر شریف کا انتقال صدمے کا باعث ہے۔

اسلام آباد سے جاری کئے گئے ایک تعزیتی بیان میں پاکستان پیپلز پارٹی کے چیئرمین بلاول بھٹو زرداری نے عمر شریف کے انتقال پر اظہارِ افسوس کیا ہے،انہوں نے کہا ہے کہ رونے والوں کو ہنسنے پر مجبور کرنے والا طنز و مزاح کا آفتاب غروب ہو گیا۔

چیئرمین پی پی پی نے کہا کہ عمر شریف نے پاکستان میں فنِ مزاح کو نئی جہت بخشی، اسے بلندیوں پر پہنچایا،انہوں نے کہا ہے کہ عمر شریف کی دنیائے فن کے لیے خدمات تا دیر یاد رکھی جائیں گی۔

بلاول بھٹو نےیہ بھی  کہا  کہ دعاگو ہوں، اللّٰہ تعالیٰ مرحوم عمر شریف کی مغفرت کریں اور انہیں جوارِ رحمت میں جگہ عطاء فرمائیں (آمین)انہوں نے اپنے بیان میں مرحوم عمر شریف کے اہلِ خانہ سے تعزیت اور ان کے لیے صبرِجمیل کی دعا بھی کی ہے۔

یہ بھی پڑھیں:        عمر شریف کے انتقال پر کرکٹرز کا اظہار افسوس