ماہرہ خان ہالی ووڈ میں کس ہیرو کے ساتھ انٹری دینے والی ہے؟ بڑی خبر

(ویب ڈیسک )پاکستان شوبز انڈسٹری کی معروف اداکارہ ماہرہ خان کے ہالی ووڈ ڈیبیو کے بارے میں سوشل میڈیا پر مختلف قسم کی خبریں زیرِ گردش ہیں۔ کہا جا رہا ہے کہ ماہرہ خان، ول اسمتھ کے ہمراہ ہالی ووڈ ڈیبیو دینے والی ہیں۔

تفصیلات کے مطابق 2 بار آسکر ایوارڈ یافتہ پاکستانی فلم ساز شرمین عبید چنائے اپنی ایک نئی فلم ’برلینس‘ کی ہدایت کاری کے لیے مکمل طور پر تیار ہیں۔ فلم اسٹار کاسٹ کے بارے میں ابھی کوئی باضابطہ اعلان نہیں کیا گیا لیکن یہ کہا جا رہا ہے کہ ماہرہ خان کو اس فلم کی کاسٹ میں شامل کرنے کے حوالے سے بات چیت جاری ہے۔

Mahira Khan is rumored to be in early talks to join Will Smith in Sharmeen Obaid-Chinoyʼs ‘BRILLIANCE’.

The film focuses on a population where 1% is born with special gifts named “brilliants” as a gifted federal agent must stop a man intent on starting a civil war pic.twitter.com/XMEF3kH60J

— Film Updates (@FilmUpdates) September 29, 2022

دوسری جانب ہالی ووڈ اسٹار وِل اسمتھ اپنی کمپنی ویسٹ بروک اسٹوڈیوز کے بینر تلے اس فلم کو پروڈیوس کریں گے۔ پیراماؤنٹ پکچرز کی یہ فلم جو شرمین عبید چنائے کی ہدایت کاری میں بننے جا رہی ہے، اس کی کہانی مارکس ساکی کے ناول سے اخذ کی گئی ہے۔

اس فلم کی کہانی ایک ایسی آبادی پر مرکوز ہے جہاں 1 فیصد لوگ پیدا ہی کچھ غیر معمولی خصوصیات کے ساتھ ہوتے ہیں وہ ایسے شخص کو روکنا چاہتے ہیں جو خانہ جنگی شروع کرنے کا ارادہ رکھتا ہو۔