عمران خان کی حکومت ایک سازش کے تحت ہٹایا گیا:فواد چوہدری

(24نیوز)پی ٹی آئی کے سینئر نائب صدر فواد چوہدری نے کہا ہے کہ عمران خان کی حکومت ایک سازش کے تحت ہٹایا گیا ۔

انہوں نے ٹوئیٹ کیا ہے کہ اس ضمن میں سائفر کی تحقیقات کو خوش آمدید کہتے اور اس کا خیر مقدم کرتے ہیں،سائفر اور بین الاقوامی سازش کی تحقیقات پہلے دن سے ہی تحریک انصاف کا مطالبہ تھا، انصاف کا تقاضا یہ ہے کہ یہ تحقیقات ایف آئی اے کے بجائے سپریم کورٹ کا بنایا گیا اعلیٰ سطحی عدالتی کمیشن کرے۔تاکہ دودھ کا دودھ اور پانی کا پانی ہو سکے۔

عمران خان کی حکومت ایک سازش کے تحت ہٹائ گئ، اس ضمن میں سائفر کی تحقیقات پرحکومتی آمادگی درست سمت میں قدم ہےلیکن انصاف کا تقاضا ہے کہ یہ تحقیقات FIA کے بجائے سپریم کورٹ کا بنایا کمیشن کرے تاکہ دودہ کا دودہ اور پانی کا پانی ہو سکے، اسی طرح کا کمیشن آڈیو لیکس کی تحقیقات کیلئے چاہئیے

— Ch Fawad Hussain (@fawadchaudhry) October 2, 2022

فواد چوہدری نے مزید کہا ہے کہ اسی طرح آڈیو لیکس کا معاملہ بھی تحقیقات کیلئے اعلیٰ سطحی عدالتی کمیشن کے سپرد کیا جانا چاہئیے۔