ویب ڈیسک: پاکستانی کرکٹ شائقین کی بڑی تعداد پاک انگلینڈ ٹی 20سیریز میں بھر پور دلچسپی دکھا رہے ہیں، کراچی میں ہونے والے پہلے 4 ٹی20 میچز کی 80 فیصد ٹکٹس فروخت ہوگئیں۔
انگلینڈ کرکٹ ٹیم کی 17 سال بعد پاکستان میں واپسی ہو رہی ہے، دونو ں ٹیموں کے درمیان 7 ٹی ٹوینٹی میچز کھیلے جائیں گے جن میں سے 4 ٹی ٹوینٹی کراچی میں کھیلے جایئں گے جبکہ 3 ٹی ٹوینٹی لاہور میں ہونگے۔پاک انگلینڈ ٹی 20سیریز میں کرکٹ شائقین نے بھر پور دلچسپی کا اظہار کیا ہے اور کراچی میں ہونے والے پہلے 4 ٹی20 میچز کی 80 فیصد ٹکٹس فروخت ہو گئی ہیں۔
پاک انگلینڈ میچ کے250 روپے مالیت کے80 فیصد ٹکٹس فروخت جبکہ 500 اور 750روپے مالیت کی ٹکٹس بھی بڑی تعداد میں فروخت ہو رہے ہیں۔
واضح رہے کہ پاک انگلینڈ کے درمیان ٹی20 سیریز 20 ستمبر سے شروع ہو کر 2 اکتوبر کو اختتام پذیر ہوگی۔