پولیس کے سامنے 2 ملزم فرار۔ اہلکار منہ تکتے رہے

 (24نیوز)لاہور  کے علاقے سمن آباد میں زیر حراست ڈاکو ہتھکڑی سمیت فرار  ہو گیا جبکہ وحدت کالونی پولیس کی حراست سے بھی 30 مقدمات کا ملزم ارمان بٹ فرار ہو گیا۔

پولیس ذرائع کے مطابق ملزم کو کچہری سے واپس تھانے لایا گیا تھا، کانسٹیبل حوالات کی چابی لینے گیا تو ڈاکو ہتھکڑی سمیت فرار ہو گیا جبکہ وحدت کالونی پولیس نے ارمان بٹ کو غازی آباد سے  گرفتار کیا۔ملزم تفتیشی افسر کے کمرے میں ہتھکڑی اتار کر فرار ہو گیا۔پولیس کا کہنا کہ فرار ہونے والے دونوں ملزموں کی تلاش جاری ہے۔