سوشل میڈیا پر رشتے کی افواہیں: نسیم شاہ نے خاموشی توڑ دی

 (ویب ڈیسک) سوشل میڈیا پر رشتے کی افواہوں پر پاکستانی کرکٹر نسیم شاہ کی وضاحت سامنے آگئی۔

گزشتہ دنوں پاکستانی کرکٹرز کی شادیوں کا موسم چل رہا تھا، پہلے حارث رؤف، پھر شان مسعود اور پھر شاہین شاہ آفریدی کے بعد شاداب خان بھی شادی کے بندھن میں بندھ گئے۔ ایسے میں شائقین کرکٹ کو نوجوان فاسٹ بولرز نسیم شاہ کی شادی کا بھی بے صبری سے انتظار ہے۔

گزشتہ دنوں نسیم شاہ نے انسٹاگرام پر ایک اسٹوری لگائی جس میں وہ دو بزرگوں کے درمیان مسکراتے ہوئے بیٹھے ہوئے تھے، اُس تصویر پر قومی فاسٹ بولر نے بہتر نوازنے پر شکر گزاری کے ساتھ الحمداللہ لکھا۔

 جیسے ہی یہ انسٹا اسٹوری سوشل میڈیا صارفین نے دیکھی تو نسیم کے رشتے کی چہ مگوئیاں شروع ہوگئیں، صارفین کا خیال تھا کہ شاید نسیم شاہ کا نکاح ہوگیا یا وہ کسی رشتے میں منسلک ہوگئے ہیں۔

Naseem Shah Insta Story.. pic.twitter.com/2Px8KeatBH

— Nawaz ???????? (@Rnawaz31888) April 1, 2023

ایک صارف نے لکھا کہ نسیم شاہ کا نکاح ہوگیا جبکہ ایک نے بات پکی ہونے کا گمان کیا۔

Nikahh????

— AkankshaYadav ????????❤️ (@AKANKSH48278581) April 1, 2023

 تاہم سوشل میڈیا پر رشتے کے حوالے سے ہونے والی چہ مگوئیاں پر نسیم شاہ نے خود وضاحت کر دی۔

Baat pakki?????????

— BA❣️ (@_Ba__56_) April 1, 2023

نسیم شاہ نے لکھا کہ 'آخری تصویر جو میں نے پوسٹ کی وہ میرے نکاح یا منگنی کے بارے میں نہیں تھی، شکر گزار ہونے کا مطلب صرف کسی رشتے میں منسلک ہونا نہیں'۔

انہوں نے درخواست کی کہ براہ مہربانی اسے غلط سمجھنا بند کریں، وہ گھر والوں کے ساتھ افطار کی ایک معمولی تصویر تھی، مجھے امید ہے کہ اب سب واضح ہوگیا ہے۔

یاد رہے کہ اس سے قبل جب نسیم شاہ سے ایک انٹرویو میں  شادی کا سوال کیا گیا تھا تو انہوں نے کہا تھا کہ یہ سوال ابو سے کریں، وہ جب بولیں گے دلہن تیار ہے تو شادی کرلوں گا۔

نسیم شاہ کا کہنا تھا کہ میں صرف ابو کے کہنے پر ہی شادی کروں گا، وہ جو لڑکی میرے لیے پسند کریں گے میں شادی کرلوں گا۔