امریکا کا غیرملکی طالب علموں کیلئے ویزا کا حصول مشکل بنانے کا فیصلہ
Stay tuned with 24 News HD Android App
(24 نیوز)امریکا نے اسرائیل پر تنقید کرنے والے غیر ملکی طالب علموں کے لیے ویزے کا حصول مشکل بنانے کا فیصلہ کرلیا۔
غیر ملکی میڈیا رپورٹس کے مطابق امریکی وزیر خارجہ نے اسٹوڈنٹ ویزا کے لیے درخواستیں دینے والوں کی چھان بین زیادہ سخت کرنے کا حکم دے دیا۔
رپورٹ کے مطابق مارکو روبیو نے بیرون ملک امریکی سفارتکاروں کو حکم دیا ہے کہ وہ اسٹوڈنٹ اور دیگر اقسام کے ویزوں کے لیے درخواست دینے والوں کے سوشل میڈیا مواد کی چھان بین کریں، سفارتی مشنز کو ہدایات پر فوری عملدرآمد کی ہدایت کردی گئی۔
مزید پڑھیں:امریکہ کی دنیا بھر میں تجارتی جنگ شروع، پاکستان پر بھارت ، افغانستان سے زیادہ ٹیرف عائد
ان کا کہنا تھا کہ ویزا درخواست دینے والوں کے سوشل میڈیا اکاؤنٹ چیک ہوں گے۔ امریکی وزیر خارجہ کا کہنا تھا کہ اس کا مقصد امریکا اور اسرائیل پر تنقید کرنے والوں کو امریکا میں داخلے سے روکنا ہے۔
نیویارک ٹائمز کی رپورٹ کے مطابق ان کی جانب سے یہ ہدایات 25 مارچ کو سفارتی مشنز کو بھیجے گئے ایک طویل مراسلے میں دی گئیں تھیں۔