سندھ میں کل عام تعطیل کا اعلان،نوٹیفکیشن جاری

 (24نیوز) حکومت سندھ نے پاکستان پیپلزپارٹی کے بانی اور سابق وزیراعظم ذوالفقار علی بھٹو کی 46 ویں برسی کے موقع پر 4 اپریل (بروز جمعہ) سندھ میں عام تعطیل کا اعلان کردیا۔

چیف سیکرٹری سندھ کی جانب سے جاری کردہ نوٹیفکیشن کے مطابق صوبے کے تمام سرکاری دفاتر، خودمختار ادارے، کارپوریشنز اور مقامی کونسلیں کل بند رہیں گی۔

یہ بھی پڑھیں:امریکہ کی دنیا بھر میں تجارتی جنگ شروع، پاکستان پر بھارت ، افغانستان سے زیادہ ٹیرف عائد

سابق وزیراعظم ذوالفقار علی بھٹو کی برسی کے موقع پر پیپلزپارٹی گڑھی خدا بخش میں تعزیتی اجتماع منعقد کرے گی، جس میں ملک بھر سے کارکنوں اور حامیوں کی بڑی تعداد کی شرکت متوقع ہے۔