ویمن ورلڈ کپ کوالیفائر، میچ آفیشلز کا اعلان

(24 نیوز)آئی سی سی ویمنز کرکٹ کوالیفائرز کیلئے میچ آفیشلز کا اعلان کردیا گیا۔

 6 ملکی ایونٹ کی میزبانی نو اپریل سے پاکستان کررہاہے،آئی سی سی کی طرف سے اعلان کردہ میچ آفیشلز میں پاکستان کے فیصل خان آفریدی اور سلیمہ امتیاز امپائرنگ پینل میں شامل ہیں۔

میچ آفیشلز میں 10 امپائرز کے علاوہ 3 ریفریز کو رکھا گیا ہے، پاکستان کے علی نقوی میچ ریفری کی ذمہ داریاں نبھائیں گے، ان کے ساتھ شاندرے فرٹز اور ٹروڈی اینڈرسن میچ ریفریز پینل میں شامل ہیں۔

مزید پڑھیں:باؤنسر لگنے کے بعد حارث رؤف کی حالت اب بہتر، ٹیم کے ہمراہ سفر بھی کیا

آئی سی سی ویمنز کرکٹ ورلڈکپ کوالیفائر میں ویسٹ انڈیز، بنگلادیش، آئرلینڈ، اسکاٹ لینڈ، تھائی لینڈ اورپاکستان کی ویمنز ٹیمیں حصہ لے رہی ہیں۔

ایونٹ کیلئے غیرملکی ٹیموں کی آمد کا آغاز آج شب سے ہوگا۔