(ویب ڈیسک)اترپردیش کے ضلع کشی نگر میں ایک نوجوان پر مذہب چھپا کر شادی کرنے اور پھر تبدیلی مذہب کے لئے ہراساں کرنے کےالزام میں کیس درج کرلیا گیا ۔
میڈیا رپورٹس کے مطابق ضلع کشی نگرکے سیورہی تھانہ کے علاقے کی لڑکی نے پولیس کو درخواست دی کہ تقریب 3سال پہلے تمکوہی راج تھانہ علاقے کے نوجوان سے اس کا رابطہ ہوا۔نوجوان نے اپنا نام گڈو بتاتے ہوئے نزدیکیاں بڑھائیں، کچھ دن بعد گڈو نے ہندو رسم و رواج سے شادی کرلی۔ بعد میں لڑکی کو پتہ چلا کہ نوجوان کا اصل نام فیروز ہے ۔لڑکی نے پولیس کو دی تحریر میں الزام لگایا ہے کہ بعد میں فیروز اس پر تبدیل مذہب کا دباؤ بنانے لگا۔ انکار کرنے پر وہ اسے ہراساں کرتا اور ایک کمرے میں قید کررکھا تھا۔15 مارچ کو ملزم کمرے کی چابی کہیں رکھ کر گیا ہوا تھا۔ اس دوران گاؤں کی ایک لڑکی کی مدد سے متاثرہ لڑکی وہاں سے فرار ہوگئی اور مہاراج گنج کے شیام دیوروا علاقے میں واقع اپنے خالہ کے گھر پہنچی اور انکو پورا قصہ سنایا۔ اہل خانہ کے ساتھ تھانے جاکر لڑکی نے ملزم کے خلاف تحریر درخواست دی۔پولیس نے ملزم فیروز عرف گڈو کو گرفتارکرکے مقدمہ درج کرکےپوچھ گچھ شروع کر دی ہے۔ متاثرہ لڑکی کی تحریر کی بنیاد پر اس کے خلاف مذہب چھپا کر شادی کرنے ، تبدیل مذہب کے لئے دباؤ ڈالنے اور مارپیٹ کرنے کا کیس درج کیا گیا ہے ۔
یہ بھی پڑھیں:سری لیلا ایسے کام نہیں چلے گا،صرف ڈانس نہیں پرفارمنس دکھانا ہو گئی