(24 نیوز)راولپنڈی پولیس کےاہلکار بھی ٹک ٹاک کے شیدائی نکلے ،تھانہ آر اے بازار میں تعینات پولیس ملازموں کی سرکاری وردی میں ویڈیو وائرل۔
تفصیلات کے مطابق پولیس اہلکار ڈیوٹی کے دوران ٹاک ٹاک پر ویڈیو بناتے رہے، پولیس اہلکار ویڈیو میں پرائیویٹ گاڑی میں پڑے اسلحے کی نمائش بھی کرتے رہے ۔ پولیس ترجمان کے مطابق ٹک ٹاک ویڈیو بنانے میں ملوث ہیڈ کانسٹیبل عادل حسین اور کانسٹیبلان حمزہ اور رضوان کو معطل کردیا گیا ہے۔ ترجمان کا کہنا ہے کہ ویڈیو ٹک ٹاک پر اپلوڈ کرنا پنجاب پولیس کی سوشل میڈیا پالیسی اور محکمانہ قواعد کے خلاف ہے۔ویڈیو میں ملوث اہلکاروں کے خلاف محکمانہ کاروائی عمل میں لائی جا رہی ہے۔
یہ بھی پڑھیں: قومی اسمبلی کا اجلاس آج ،اراکین نجی بلز پیش کرینگے