گرل فرینڈ سمیت معروف ٹک ٹاک سٹار  قتل

(ویب ڈیسک)اکثر سننے میں آتا ہے کہ ٹک ٹاک  بناتے ہوئے کوئی جان سے ہاتھ دھو بیٹھتا ہے تو کوئی گرکر زخمی ہو جاتا ہے مگر بعض اوقات ایسا  نہیں ہوتا، امریکا کے شہر کیلیفورنیا میں مشہور  ٹک ٹاک سٹار کو سر میں گولی مار کر قتل کردیا گیا۔

ٖغیرملکی میڈیا کے مطابق 19 سالہ ٹک ٹاک سٹار برجاس کیلیفورنیا کے ایک تھیٹر میں اپنی دوست کے ساتھ فلم دیکھنے گیا تھا جہاں ایک نوجوان نے دونوں کے سر میں گولیاں ماردیں، فائرنگ کے نتیجے میں ٹک ٹاک سٹار برجاس موقع پر ہی ہلاک ہوگیا جبکہ اس کی دوست کو زخمی حالت میں ہسپتال منتقل کیا گیا جہاں وہ زخموں کی تاب نہ لاتے ہوئے جان سے ہاتھ دھو بیٹھی۔

۔ پولیس کے مطابق ابتدائی تحقیقات اور عینی شاہدین کے بیانات کے بعد 20 سالہ نوجوان جوزف جیمنیز کو قتل کے جرم میں گھر سے گرفتار کرکے عدالت میں پیش کیا گیا ہے اور ملزم پر قتل، اقدام قتل اور چوری کی دفعات لگائی گئی ہیں۔ ٹک ٹاک سٹار اور اس کی دوست کے قتل کے بعد لوگوں میں خوف پایا جا رہا ہے۔

یہ بھی پڑھیں: گرل فرینڈ کا شادی سے انکار۔۔لڑکے نے پھر کیا کیا۔۔جانیے!