پاکستانی شخص کو امریکہ کے حوالے کرنے کا فیصلہ 

(مانیٹرنگ ڈیسک )حکومت پاکستان نے مجاہد پرویز نامی شخص کو امریکا کے حوالے کرنے کا فیصلہ کرلیا ہے۔پاکستانی نژاد مجاہد پرویز کی حوالگی کا فیصلہ آج وزیراعظم کی صدارت ہونے میں ہونیوالے اجلاس میں کیا گیا۔
 تفصیلات کے مطابق ملزم مجاہد پرویز اڈیالہ جیل میں قید ہے جس پر امریکہ میں30 ملین ڈالر کی کرپشن کے الزامات ہیں۔امریکہ نے وزارت خارجہ کے ذریعے مجاہد پرویز کی حوالگی کا مطالبہ کیا تھا۔
امریکی حکومت کی درخواست پر چیف کمشنر اسلام آباد نے مجاہد پرویز کی حوالگی کا حکم دے دیا تھا تاہم اسے سال2017 میں اس حکم کو ہائیکورٹ میں چیلنج کر دیا گیا۔عدالت کو بتایا گیا کہ مجاہد پرویز 1972 سے 2012 تک امریکہ میں مقیم رہے۔
 1992 میں سزا پانے کے بعد ملزم کا امریکہ میں فارمیسی کا لائسنس منسوخ ہواتھا۔ملزم فارمیسی کے کاروباروابستہ تھا۔ چیف کمشنر اسلام آباد کی انکوائری میں مجاہد پرویز تمام تر الزامات کو مسترد کرچکے ہیں۔
اس وقت اسلام آباد ہائیکورٹ کے جج جسٹس محسن اختر کیانی نے مجاہد پرویز کی امریکا حوالگی روک دی تھی۔
یہ بھی پڑھیں:محرم الحرام کو خون آلود کرنے کا منصوبہ ۔۔ چیئرمین اسلامی نظریاتی کونسل نے آگاہ کردیا