حیدرآباد: کھیتوں میں مویشی داخل ہونے پر جھگڑا، فائرنگ سے 7 سالہ بچہ جاں بحق

(محمد حسن خان) حیدرآباد کے علاقے سیری کے قریب کھیتوں میں مویشی داخل ہونے پر جھگڑا ہوا, بااثر زمیندار کی فائرنگ سے 7 سالہ بچہ جاں بحق ہوگیا۔

حیدرآباد کے علاقے سیری کے قریب کھیتوں میں مویشی داخل ہونے پر جھگڑا ہوا، ورثاء کے مطابق باثر زمیندار زبیر پٹھان نے 7 سالہ بچے طاہر کو بکریاں کھیتوں میں داخل کرنے پر منع کیا تھا، جس پر بچے کے والدین سے زمیندار کا جھگڑا ہوا، جھگڑے میں زمیندار نے فائرنگ کر دی جس سے بچہ جان کی بازی ہار گیا اور زمیندار فرار ہو گیا۔

یہ بھی پڑھیں: ’’میں تمہیں چیر دوں گا‘‘ صحافی کے سوال پر جان ابراھم آپے سے باہر

ورثاء کی جانب سے حیدرآباد بدین روڈ پر  لاش رکھ کر احتجاج کیا گیا، ورثاء کے احتجاج کے بعد تھانہ ہوسٹری پر واقعہ کا مقدمہ مقتول کی والدہ کی مدعیت میں درج کرلیا گیا، ایس ایچ او چیک پوسٹ سیری ارسلان چنہ کا کہنا ہے کہ واقعے پر تفتیش کر رہے ہیں، بچے کے قتل میں ملوث افراد کو جلد گرفتار کر لیں گے۔