پیرول کی مدت ختم،شہبازشریف اور حمزہ جیل منتقل

(24 نیوز)پیرول کی مدت ختم ہونے کے بعد جیل حکام نے حمزہ شہباز اور شہباز شریف کو الگ الگ گاڑیوں میں لے کر جیل منتقل کردیا گیا۔

تفصیلات کے مطابق پیرول کی مدت ختم ہونے کے بعد جیل حکام نے قومی اسمبلی میں اپوزیشن لیڈر اور ن لیگ کے صدر شہباز شریف اورپنجاب اسمبلی میں اپوزیشن لیڈر حمزہ شہباز کو الگ الگ گاڑیوں میں جیل پہنچایا۔
خیال رہے کہ 27 نومبر کو شہبازشریف اور حمزہ شہباز کو بیگم شمیم اختر کے انتقال کے باعث پانچ دن کیلئے پیرول پررہا کیا گیا تھا۔ حکومت پنجاب نے گزشتہ روز ان کی رہائی میں 24 گھنٹے کی توسیع کی تھی۔پیرول کی مدت ختم ہونے کے بعد حمزہ شہباز کو ماڈل ٹائون جبکہ میاں شہبازشریف کو جاتی امرا سے جیل منتقل کردیا گیا  ہے۔